கௌதம் மேனன் படத்தில் சூர்யாவிற்கு பதிலாக சிம்பு நடிக்கப் போவதாக தகவல்கள் வெளிவந்துள்ளது.
கௌதம் மேனன், சூர்யா ஜோடி என்றாலே தமிழ் சினிமாவில் மிகுந்த எதிர்பார்ப்பு இருக்கும். அதே எதிர்பார்ப்புடன் தான் துருவ நட்சத்திரம் படமும் அறிவிக்கப்பட்டது.
சூர்யா ஒரு படத்தில் ஒப்பந்தமானால் நேரத்தை சரியாக கடைபிடிப்பார். ஆனால் முதன்முறையாக துருவ நட்சத்திரம் படத்தில் நடிப்பதற்கு அவர் தயக்கம் காட்டி வருவதாக செய்திகள் வெளியாகியுள்ளன.
இப்படத்திற்கான பூஜையில் சூர்யா கலந்து கொண்டாலும், லிங்குசாமியின் படத்தில் நடிக்க இருப்பதால் கௌதம் மேனனை காத்திருக்க சொல்லியுள்ளார். இதனால் துருவ நட்சத்திரம் படத்தை கவுதம் மேனன் டிராப் செய்துள்ளாராம்.
இந்நிலையில் துருவ நட்சத்திரம் படத்திற்கு பதிலாக கவுதம் மேனன் விண்ணைதாண்டி வருவாயா கதாநாயகன் சிம்புவை வைத்து புதிய கதை ஒன்றை ஏற்பாடு செய்வதாகவும், இதற்கான அதிகாரப்பூர்வ தகவல் விரைவில் வெளிவரும் எனவும் சினிமா வட்டாரங்கள் தெரிவிக்கின்றன.
கௌதம் படத்தில் சூர்யாவுக்கு பதில் சிம்பு
No comments:
Post a Comment